ЦСКА Москва на македонскиот тренер Емил Рајковиќ во петтиот натпревар го совлада Зенит Петерсбург со 82:79 за освојување на третото место во ВТБ лигата.

Во победничките редови се истакна Далас Мур со 15 поени, а еден помалку имаше Каспер Вер.

На спротивната страна Адријен Моерман запиша 17 поени, а Томас Ертел постигна 13.

– Сакам да му честитам на Зенит за борбата и сериозноста што ја покажа во оваа серија. Мислам дека и двете екипи настапија со 100 проценти од своите можности. Мислам дека направивме добра работа за да ја добиеме серијата со 4-1. Освен што епизодата беше всушност утешна, по интензитет беше слична на минатогодишната битка. Една од нашите задачи беше да им дадеме можност на младите играчи да се развиваат, многу од нив работеа со тимот и успеаја да се докажат. Сакам да му се заблагодарам на претседателот на клубот, играчите, како и нашите навивачи кои го поддржаа тимот во сите градови – рече Рајковиќ по завршувањето на мечот.

Уникс Казан на нашиот репрезентативец Ненад Димитријевиќ во вторник ја има првата „меч топка“ во финалната серија против Локомотив Кубан (3:1).