Црвениот крст на Град Скопје од 15 мај ќе започне со нудење на посебен транспорт за стари лица и лица со попречености со посебно опремени наменски возила.

– Лицата кои имаат потреба од транспорт, започнувајќи од 15 Мај може да се јават на телефонскиот број 15330 во Контакт центарот или на [email protected] , секој работен ден во текот на 24 часа, преку кој однапред би го закажале својот термин за превоз до одредена институција, по принципот на временски редослед на закажување. – информираат од Црвениот крст.

Оттаму велат дека, до 15 мај, превозот за овие лица е бесплатен, по принципот „ прв дојден,прв услужен“.

– За закажување на бесплатен транспорт до 15 мај , лицата може да се закажат на [email protected] и на контакт број 071 232 263 во работни денови од 08-16 часот – објаснуваат од Црвениот крст на град Скопје.