Стефанос Циципас за првпат во својата професионална кариера освои АТП турнир од серијата 500.

Грчкиот тенисер во финалето го победи Канаѓанецот Феликс Оже-Алијасиме со 2:0 во сетови (6:3, 6:3). Мечот траеше час и 28 минути.

Циципас направи два брејка во првиот сет. Својата шанса за прв пат ја искористи во седмиот гем, повторно одземајќи го сервисот на Оже-Алијасиме при 5:3 и поведе со 1:0 во сетови.

Во вториот сет, Циципас имаше три брејк топки, додека канадскиот тенисер пропушти две прилики во четвртиот гем за брејк на сервисот на Гркот. Сепак, при 4:3, Циципас паузираше и со сервис гем без загубен поен ја освои првата титула во серијата 500.

Ова е 12-та титула во кариерата на Циципас, а никогаш досега нема освоено Грен слем. Неговите најдобри пласмани се финалето на Ролан Гарос во 2021 година и Австралија опен во 2023 година. Тој успеа да освои три Мастерси, еден Завршен и седум од серијата 250.