Грчкиот тенисер Стефанос Циципас го заменува Британецот Џек Дрејпер на престижниот турнир „Шесте кралеви“ во Ријад, Саудиска Арабија. Дрејпер се повлече од турнирот поради повреда која го спречува да игра до крајот на годината.

Турнирот „Шесте кралеви“ традиционално ги собира шесте најдобри тенисери во светот, а оваа година поканата за учество на Џек Дрејпер предизвика реакции, бидејќи Британецот се наоѓаше на 13-то место на АТП листата.

Циципас ќе се натпреварува заедно со Јаник Синер, Карлос Алкараз, Новак Ѓоковиќ, Тејлор Фриц и Александер Зверев на турнирот, кој ќе се одржи од 15 до 19 октомври 2025 година.

Овој ревијален турнир во Саудиска Арабија е организиран по желба на шеикот, а наградниот фонд од 6 милиони долари е двојно поголем од она што го добива победникот на кој било Гренд слем турнир, што го прави исклучително привлечен за најдобрите тенисери.

Преземено од: Спорт.ком.мк