Политикологот Ана Чупеска вели дека ако лидерот на ВМРО-ДПМНЕ Христијан Мицкоски има сознанија за двојното убиство, треба веднаш да ги обелодени и да овозможи да се открие вистината за трагичните настани.

-Мицкоски се уште молчи и не ги споделува со релевантните служби кои се задолжени за спроведување на истрагата, а ќе ги обелоденел за неколку месеци. Неверојатно што се човеков може да каже. Ни срам ни перде. За да го сватиме барем малку сериозно или во најмала рака да помислиме дека човекот „блада”, нека ни раскаже….во кратки црти што разговараа и договараа на неколкуте средби кои ги имаа со Палчо, каква заедничка платформа договараа? Или можеби од тие средби му потекнуваат „сознаијата” со кои сега мафта – вели Чупеска.

Таа додава дека ако Мицкоски воопшто има информации тогаш треба да ги сподели заради задоволување на правдата, како за жртвите така и за обвинетите.

-Доколку не го направи тоа, треба да е целосно свесен дека на најлош можен начин манипулира со жртвите и нивните семејства! Значи не само што прекршува закон со прикривање  на „релевантните мегови информации” и манипулира со јавноста, туку ги злоупотребува, пред жртвите и нивните семејства, ги прекршува сите морални и етички вредности што треба да ги поседува еден човек – вели Чупеска и додава дека олеснителна околност за лидерот на ВМРО-ДПМНЕ е дека сите наведени информации кои ги има, ги чува на исто место каде што му е и „тајниот” план за нашите ЕУ интеграции без уставните измени.