Овие семчиња со право ја носат титулата супернамирница. И тие не се само моден хит, бидејќи постојат и научни докази за нивното благотворно влијание врз здравјето на луѓето. Ситните семчиња содржат вистинска ризница на важни материи и соединенија: мноштво влакна, витамини, минерали, амино киселини…

За слабеење

Чиа семето делува на неколку начини за слабеење. Нивниот нутритивен состав генерално поволно делува на здравјето на целиот организам, па затоа се препорачуваат во диетите за слабеење бидејќи многу брзо можат да го заменат недостатокот на многу материи. Натопените семки набабруваат и создаваат слуз, па речиси веднаш обезбедуваат чувство на ситост (затоа што набабриле и лесно се варат), ја подобруваат функцијата на цревата, го забрзуваат варењето и излачувањето на токсините и спречуваат запек, што сето заедно не е невообичаена појава кога јадеме помалку храна и сакаме да се ослободиме од вишокот килограми.

Важно е да се спомене дека чиа семето не го зголемува нивото на шеќер во крвта и затоа не предизвикува брзо чувство на глад.

Напиток

Чудесниот напиток за слабеење ќе го направите така што ќе ставите две лажици чиа семе во голема чаша вода и ќе го оставите да отстои неколку минути. Чиа семето треба да набабри во водата и да стане меко, а водата би требало малку да се замати.

Бројни корисници на Тикток го споделија ова видео и истакнаа дека пијалакот навистина создава чувство на ситост, а со тоа и ја намалува гладта, бидејќи семките се шират во стомакот и формираат гел. Тие исто така препорачуваат да се консумира 30 минути пред оброците за да се спречи прејадување. Една шестмесечна студија кај дебели луѓе со дијабетес тип 2 на диета со намалени калории покажа дека секојдневното јадење чиа семе предизвикува значително поголемо губење на тежината.