Путерот од кикирики е дефинитивно најпознатиот намаз од јаткасти плодови, а според многумина и највкусниот. Сосема очекувано, како и главната суровина од која се добива – кикириките, така и овој намаз има извонредни позитивни ефекти врз нашето здравје. Често се користи како здрава и хранлива замена за калоричните чоколадни намази, како додаток во овошни каши, но сè почесто е главна состојка во многу десерти.

Состојки:

– 350 г. путер од кикирики
– 170 г мелени посни бисквити
– 200 г. шеќер во прав
– 225 г. маргарин
– 250 г. посно чоколадо

Подготовка:

Во сад со средна големина измешајте ги маргаринот, мелените бисквити, шеќерот во прав и 250 грама од путерот од кикирики. Мешајте додека не се соедини смесата и потоа нанесете ја во плех за печење обложен со хартија. Притиснете ја смесата за рамномерно да се распореди. На пареа растопете го чоколадото со 100 грама путер од кикирики и мешајте додека не се соедини смесата. Прелијте врз слојот од путерот од кикирики и кекс. Оставете да се стегне преливот и изладете во фрижидер и исечете на коцки.

Добар апетит!