Во саботата на 21 октомври во Никшиќ, Црна Гора, се одржа меѓународниот џудо турнир „Трофејот на Никшиќ-2023“ во организација на ЏК Оногошт – Никшиќ.

На овој турнир учество зедоа 37 клубови од шест држави: Црна Гора, Босна и Херцеговина, Хрватска, Србија, Словенија и Македонија) во многу силна конкуренција со околу 500 натпреварувачи.

Џудо клубот Сеишин-Прилеп настапи со шест натпреварувачи, а освоени се четири медали од кои еден златен, два сребрени и еден бронзен.

Резултати поединечно:

1. Тамара Илиоска 1 место
2. Теодора Илиоска 2 место
3. Матеја Николоска 2 место
4. Јана Ангелески 3 место

Од клубот воедно информираат дека одлични борби прикажаа Владан Стрезовски и Ване Ацески, но не успеаја да изборат место на пиедесталот. Екипата ја предводеа тренерите Марио Тошески и Дејан Мицкоски.