Жена од Скопје вчера пријавила во полиција дека четири девојчиња во два наврата ја нападнале нејзината ќерка, нивна врсничка, а тепањето го снимале со телефон и потоа го објавиле на социјалните мрежи, велат од МВР.

„На 28.01.2025 во 17.00 часот во СВР Скопје, Н.Б.(42) од Скопје пријавил дека на 24.01.2025 во период од 21.00 до 22.20 часот на подрачјето на Центар, неговата малолетна ќерка во два наврати била физички нападната од четири малолетнички, кои ги познавала, а настанот бил снимен со мобилен телефон и споделуван на социјални мрежи. По целосно документирање на случајот, ќе биде поднесена соодветна пријава“, пишува во полицискиот билтен.