
Челси подготвува страшен тим за следната сезона, нападот ќе го предводат Жесус и Дембеле
Англискиот премиерлигаш Челси долго време чекаше да го добие новиот сопственик Тод Боли кој планира веднаш да ги засука ракавите и во летниот преоден рок да донесе неколку екстра засилувања за да може екипата повторно да биде главен фаворит за титулите во Премиер лигата и Лигата на шампионите.
Препорачано
Се очекува „сините“ да доживеат големи промени, највеќе ќе има во одбраната бидејќи си заминаа Антонио Ридигер и Андреас Кристенсен, а се очекува истото да го сторат и Сезар Аспиликуета и Маркос Алонсо. Тоа значи дека менаџерот Томас Тухел ќе мора да создаде комплетно нова одбрана.
Главен приоритет на новиот сопственик на Челси е дефанзивецот на Севиља, Жил Кунде кој е достапен за 70 милиони евра. Единствен конкурент на „сините“ е Барселона, но каталонскиот тим, се наоѓа во финансиски проблеми и не може финансиски да се бори со Челси.
Втора мета е фудбалерот на Јувентус, Матијс де Лихт. Де Лихт не го прифати предлогот на управата на Јувентус за намалување на платата и поради тоа постои можност „старата дама“ да го стави на трансфер листата, а Челси нема да има проблем да плати 80 милиони евра за да го донесе на „Стемфорд бриџ“.
Следните две засилувања треба да бидат во нападот, тоа се Осман Дембеле и Габриел Жесус. Дембеле не успеа да се договори со Барселона по што на 1 јули ќе стане слободен играч и ќе може сам да го избира следниот клуб. Менаџерот на Челси, Томас Тухел многу добро ги знае квалитетите на Дембеле бидејќи му беше тренер во Борусија Дортмунд, и веќе неколку месеци го убедува да се пресели во Лондон.
Негов парнер во нападот може да биде Габриел Жесус кој по доаѓањето на Ерлинг Халанд ќе го загуби местото во првиот тим на Манчестер сити. Англискиот шампион е подготвен да го продаде Жесус да го продаде за 50 милиони евра, сума која не е проблем за Челси. „Сините“ за да дојдат до неговиот потпис ќе мора да се борат со градските ривали Арсенал и Тотенхем кои исто така нема да жалат пари за да го донесат Бразилецот.
Средниот ред треба да биде освежен со играчот на Лидс, Калвин Филипс, за кого голем интерес пројавуваат екипите од Манчестер, Јунајтед и Сити.