Откако претходно лондонските „сини“ за 45 милиони фунти го ангажираа напаѓачот од Лајпциг, Тимо Вернер, британските медиуми предвидуваат нов трансфер на „Стемфорд бриџ“.

Според „Дејли Експрес“, Челси е во разговори со Лестер за обезбедување на услугите на Бен Чилвел.

Изворот пишува дека менаџерот Френк Лампард за левиот бек на „лисиците“ нуди 80 милиони фунти.

23-годишниот дефанзивец има досега 11 настапи за најдобрата англиска репрезентација. Од 2015 година е член на Лестер, а беше и на позајмица во редовите на Хадерсфилд таун.