Иако многумина најавија дека негов нов клуб ќе биде Челси, дојде до голем пресврт ова лето. Чави Симонс од следната сезона ќе ги брани боите на Тотенхем, објави Фабрицио Романо.

Сѐ е потпишано помеѓу Тотенхем и РБ Лајпциг бесплатно, со фиксна цена од 60 милиони евра откако договорот беше објавен преку ноќ.

Холандскиот репрезентативец (22) ги помина медицинските прегледи и потпиша договор со тимот на Томас Франк. Истиот ќе важи до 2030 година со опција истиот да биде продолжен на уште две години.

Тотенхем наскоро треба да го објави новото засилување, а во меѓувреме англискиот клуб ја информираше јавноста дека хрватскиот централен бек Лука Вушковиќ следната сезона ќе оди на позајмица во СВ Хамбург.

Симонс им се придружува на Жоао Палиња и Мохамед Кудус, кои ова лето го засилија Тотенхем. За потсетување, Тотенхем претходно се обиде да го доведе играчот од средниот ред на Нотингем форест, Морган Гибс-Вајт, но без успех, додека една од главните цели, Еберечи Езе, избра да се пресели во ривалот Арсенал од Кристал палас.

Симонс пристигнува во Лондон по успешните периоди во ПСЖ, ПСВ и РБ Лајпциг, каде што постигна 22 гола и запиша 24 асистенции во 78 натпревари.

🚨💣 BREAKING: Xavi Simons to Tottenham, here we go!

All SIGNED between Spurs and RB Leipzig for fee worth €60m fixed after agreement revealed overnight.

Xavi has completed his medical and his contract is also now signed. 🔐🇳🇱

Contract until 2030 + 2 year option. pic.twitter.com/t98SrgrAh2

— Fabrizio Romano (@FabrizioRomano) August 29, 2025