Случајот со Усман Дембеле останува во центарот на вниманието на сите во Барселона. По вчерашното интервју со менаџерот на играчот, во кое тој јасно кажа дека „Барселона му поставила ултиматум на играчот да потпише договор или да не игра“, по ова прашање се огласи и каталонскиот тренер Чави Ернандез.

– Што е со Дембеле? За сè треба да го прашате него. Не сакам да бидам груб со никого, работите се едноставни – или продолжи го договорот или оди – јасен беше Чави.

Тој дополнително објасни дека директорот на клуб, Матеу Алемани пет месеци преговарал со агентот на играчот за продолжување на договорот кој истекува на лето, но дека сега мора да се донесе одлука која ќе биде од корист за сите.

Xavi announces Ousmane Dembélé could leave Barcelona in January window: “We can’t wait for Ousmane. Or renews the contract or a solution to sell him must be found immediately”. ? #FCB

“I don’t consider sending him to stands. He says he wants to stay but then he doesn’t sign”. pic.twitter.com/Rv0CvZ1iLK

— Fabrizio Romano (@FabrizioRomano) January 19, 2022

– Доколку Дембеле не потпише, ќе донесеме одлука наместо него. Бев многу искрен со него. Не е лесно, но сега не можеме да чекаме, мораме да донесеме одлука. Или – или. Прво мора да се гледаат интересите на клубот, кои на сите треба да им бидат јасни.

Никој од не сака да го испрати на трибините и да чека да истече договорот. Му кажавме сè што имавме, тој сè уште не одлучил – рече тренерот на Барселона, Чави.