Чај од 4 билки за здрави бронхии: Го поттикнува искашлувањето, ја обновува слузокожата и го чува здравјето на белите дробови
Според рецептите на руските фитотерапевти, од само четири билки можете да подготвите ефикасен чај кој помага во искашлување и проширување на бронхиите.
Препорачано
-
1
-
2
-
3
Овие лековити билки го олеснуваат дишењето, го забрзуваат заздравувањето од респираторни проблеми и го чуваат здравјето на белите дробови.
Со користењето на растителни состојки, кои со векови се користат во традиционалната медицина, можете да го подобрите здравјето на дишните патишта и повторно да дишете со леснотија.
Напомена: Сепак, секоја кашлица која трае подолго од една недела бара посета на лекар. Ако се покаже дека кашлицата не е резултат на сериозна состојба, можете да го пробате овој рецепт.
Состојки за чајот:
– 1 лажица плод од шипинка
– 1 лажица исландски мов (можете да го најдете во продавниците за здрава храна)
– 2 лажици бел слез
– 1 лажичка нане
Подготовка:
Сите состојки се преливаат со зовриена вода и се оставаат во термос да отстојат во текот на ноќта. Чајот се пие по потреба, по половина шолја топол или млак, пет до седум пати на ден, независно од оброците.
Здравствени придобивки од состојките
Мешавината содржи голема количина витамини и минерали од плодовите на шипинката како што се аскорбинската киселина и витамините од групата Б, фолна киселина и биглавоноиди.
А знаеме дека природните витамини имаат благотворно дејство врз мукозната мембрана (слузница) на бронхијалното стебло, придонесувајќи за обновување на епителот (специфичен вид ткиво што е дел од слојот на кожата).
• Шипинка: Богати со витамини и минерали, вклучувајќи витамин Ц, витамини од групата Б, бифлавоноиди и фолна киселина, кои ја обновуваат слузницата на бронхиите и го зајакнуваат имунитетот.
• Бел слез: Природен стимулатор за искашлување, што го олеснува чистењето на дишните патишта.
• Исландски мов: Делува како антисептик и го регенерира оштетениот епител на респираторниот тракт.
• Нане: Го подобрува протокот на воздух во бронхиите и ги намалува стеснувањата во дишните патишта.
Што е епител?
Епителот е ткиво што ги обложува површините на телото, празнините во телото и внатрешните органи. Епидермисот, горниот слој на кожата, е токму вид епително ткиво.
