Новогодишната атмосфера стигна во општина Центар, каде најфреквентните локации и неколку улици блескаат со светлосни украси, сијалички, елки и граѓаните можат да ја почувствуваат претпразничната возбуда.

Општина Центар го заврши украсувањето кое започна на 21 ноември и кое меѓу другото ги опфати сквер Јадран, паркот во Капиштец, улиците Боемска и Орце Николов.

Центар блеска со новогодишната магија. Секоја светилка нè потсетува на празничната атмосфера со најблиските, на љубовта, на мирот и на радоста. Минатиот месец први во државата започнавме со украсување за да ги стоплиме срцата на дечињата и на возрасните. Центар е дом во кој сите се добредојдени, вели градоначалникот Горан Герасимовски.

Од Општината објаснуваат дека во текот на следната недела граѓаните ќе бидат информирани за сите културни и музички настани што ќе се реализираат празнично во пресрет на дочекот на 2025 година.