Ракометниот клуб Бутел Скопје ја оствари првата сезонска победа во македонската Супер лига, откако славеше на гостински терен кај РК Мулти Есенс во Автокоманда со 33:28.

Играчите на Горан Кузманоски во еден момент имаа негатива од пет гола, но до крајот на полувремето израмнија на 16:16. Во вториот дел РК Бутел Скопје го скрши отпорот на противникот комплетирајќи го пресвртот.

Најдобри стрелци во победничкиот состав беа Димитар Ѓоргиевски, Лука Иваниќ и Филип Николов по шест голови.

На спротивната страна најефикасен беше Узунчев со осум погодоци, Димовски имаше пет голови, Јорданов реализира четирипати, а Карасманакис и Илиески погодија по три пати.

Во следното суперлигашко коло екипата на РК Мулти Есенс гостува кај РК Пролет 62, додека нов предизвик за Бутел Скопје ќе биде домашниот натпревар со Голден Арт.