Овие денови владее голема еурофија поради трансфер на Лионел Меси во ПСЖ, францускиот клуб со овој потег најавува дека сезонава атакува на освојување на Лигата на шампионите.

Но, очигледно во Париз не се сите задоволни со доаѓањето на аргентинската ѕвезда. Вчера беше објавено дека на играчот на Лил, Жозе Фонте не му е јасно како функционира финансискиот фер-плеј.

Додека Нејмар со големо одушевување го поздрави доаѓањето на неговиот поранешен соиграч од Барселона, другата голема ѕвезда на парискиот клуб, Килијан Мбапе, наводно, не е задоволен од најновите настани.

Според познатиот француски новинар Тихибо Везиријан, младиот напаѓач поднел барање до клубот да го пушти летово во Реал Мадрид, нагласувајќи дека не сака да игра со Лионел Меси.

ПСЖ за седум минути продаде 150.000 дресови со името на Меси

Доколку сега не се водат разговори меѓу двете страни, тогаш Мбапе ќе биде одлучен да си замине следното лето кога ќе му истече договорот со ПСЖ (30 јуни 2022 година).

Преговорите помеѓу ПСЖ и Мбапе за продолжување на договорот траеја долго, но не беше постигнат договор. Тие се надеваа во Париз дека доаѓањето на Лионел Меси може да го натера Мбапе да се премисли, но се чини дека доаѓањето на Аргентинецот создаде само спротивен ефект.

? Kylian Mbappé veut partir. Il a demandé son bon de sortie et ne souhaite pas prolonger. Soit c'est le Real Madrid cet été, soit un départ libre dans un an. Il avait déjà prévenu il y a plusieurs semaines qu'il ne souhaitait pas jouer avec Messi. #PSG ??

— T.V. (@ThibaudVezirian) August 11, 2021