Денеска во претпоследното 33 коло од најсилното германско фудбалско првенство екипите на Лајпциг и Вердер Бремен ремизираа 1:1.

По првото полувреме водеа гостите по автоголот на Зајвалд во 36 минута на „Ред Бул Арена“ во Лајпциг.

Домаќините успеаја да го избегнат поразот во 61 минута со погодокот на Шешко по асистенцијата на Симакан.

Македонскиот репрезентативец Елиф Елмас за Лајпциг настапи од 64 минута како замена за Баумгартнер.

На табелата Лајпциг е на четвртото место со 64 бодови и во последното за оваа бундеслигашка сезона на 18 мај ќе му гостува на Ајнтрахт Франфурт.

Вердер кој од претходно го обезбеди опстанокот во елитата, моментно е на 11 позиција со 39 бодови.