Фудбалерите на Лајпциг го бркаат третото место во Бундес лигата и воедно сакаат да продолжи добрата серија на резултати.

На три кола до крајот на сезоната, Лајпциг е на четвртата позиција со 62 бодови, два помалку од третопласираниот Штутгарт.

Играчите предводени од тренерот Марко Розе имаат за цел да обезбедат пласман во групите на Лигата на шампионите следната натпреварувачка сезона.

Лајпциг денеска од 20.30 часот му гостува на Хофенхајм и со триумф ќе биде пред Штутгарт кој својот меч од оваа рунда ќе го има в сабота дома против Баерн Минхен.

Лајпциг нема пораз во последните осум бундеслигашки натпревари, а на дуелот против Хофенхајм тренерот Розе нема да смета на услугите на Елиф Елмас и Кристофер Ленц.

Македонскиот репрезентативец Елмас поради болест ќе го пропушти мечот против Хофенхајм. Нашиот играч кој го засили Лајпциг на половина од сезоната, нема голема минутажа во шампионатот, има 12 настапи од кои собра до сега 157 минути на терените.