Владата денеска соопшти дека на одржаната 82 седница, д-р Иринка Сотирова-Бухова е разрешена од должноста в.д. директор на Државниот санитарен и здравствен инспекторат (ДЗСИ), на нејзино барање.

Како што информираат од владината прес-служба, за вршител на должноста директор на Државниот санитарен и здравствен инспекторат ја именува д-р Рената Младеновска, специјалист по хигиена и здравствена екологија од Центарот за јавно здравје.

Таа воедно е асистент на Медицинскиот факултет на Универзитетот „Свети Кирил и Методиј” каде што е и докторанд. Таа е авторка на повеќе публикации и презентации од областа на јавното здравје и безбедност на храна, како и менаџмент во здравството, а во соработка со повеќе меѓународни институции е активен учесник на повеќе конгреси, обуки и симпозиуми врзани со јавно-здравствена проблематика како и HACCP контролен систем за безбедност во храна, соопштија од Владата.