Второто издание на Меморијалниот меѓународен турнир „Драган Василов – Цевка“ во Скопје го одбележаа младите кошаркари на Будуќност Подгорица од Црна Гора.

Екипата на Будуќност во големото финале стигна до победата над Игокеа од Босна и Херцеговина со резултат 78:67.

Претходно, во натпреварот за третото место, играа екипите на Цедевита и белградска Црвена Звезда. Хрватската екипа во борбата за „бронзата“ беше подобра од српската со 78:67.

Петтото место му припадна на скопски Вардар кој го победи тимот на Триумф од Србија (99:42), a за седмото место, МЗТ Скопје Аеродром загуби од бугарскиот Балкан со 48:65.

За најдобар стрелец на турнирот беше прогласен Миќо Миќановиќ од екипата на Игокеа, а МВП наградата за најкорисен играч ја понесе кошаркарот на Будуќност, Балша Мугоша.