Буџетот на Министерството за здравство може да издржи дополнителни потреби. Најопасното нешто во моментов е паниката, вели министерката за финансии Нина Ангеловска во гостување на емисијата Економски магазин.

– Во моментот нема потреба од користење резерви и преземање средства од други министерства, затоа што Министерството за здравство има буџет кој може да одговори и на состојбата, истакна Министерката за финансии.

Таа посочи дека сега потребно да бидеме будни и координирани. Рече дека во Министерството за финансии се прават симулации и потенцијални сценарија, кои всушност се дел од планирањето и предвидувањето.