Брзо, лесно и неодоливо: Рецепт за унгарска пита со јаболка и цимет
Питата со јаболка е унгарски гастрономски класик, кој мириса на лимон и цимет. Тестото е многу едноставно и се подготвува од брашно, путер, шеќер, прашок за печиво, јајца и кора од лимон, што дава убава арома, исто како и ванилата, пишува „Пун куфер“.
Препорачано
Се додава и полномасна павлака, која ѝ дава сочност на питата. Најдобри јаболка за унгарска пита со јаболка се Грени Смит, Ајдаред, Пинк Лејди или Јонаголд, а откако ќе ги изрендате – додадете шеќер во прав и посипете со мелен цимет и сок од лимон. Оставете да отстои, јаболката ќе пуштат многу сок. Дополнително притиснете ги, но внимавајте да не претерате за филот да не биде премногу сув.
Потребни состојки:
Тесто:
- 300 гр мазно брашно
- 115 гр путер
- 50 гр шеќер во прав
- 1 лажичка прашок за печиво
- 1/2 лажичка екстракт од ванила
- 1 јајце
- 1 лажица павлака + уште малку по потреба
- 1 прстофат сол
- 1 лажичка рендана кора од лимон
Фил:
- 6 кисела јаболка со средна големина
- 50 гр шеќер во прав
- 1 лажичка цимет во прав
- 4 супени лажици мелени ореви (по избор)
- 1 лажица сок од лимон
- 1 јајце за премачкување на тестото
Подготовка
Измешајте ги брашното и исечканиот путер со раце. Имајте на ум дека оваа смета ќе ви биде прилично ронлива.
Потоа додадете јајце, шеќер во прав, сол, екстракт од ванила, прашок за печиво, павлака и кора од лимон. Замесете тесто, а доколку е потребно – додадете уште брашно.
Поделете го тестото на две топчиња, покријте ги и оставете ги да одморат 20 минути. Излупете ги јаболката, извадете им ја средината со семки, па изрендајте ги. Додадете шеќер, цимет и сок од лимон. Добро измешајте и исцедете го сокот.
Загрејте ја рерната на 180 степени. Намачкајте го плехот за печење со путер и побрашнете го. На набрашнета површина развлечете еден дел од тестото во големина на плех (28х20 см) и ставете го во плехот. Над тестото посипете половина од мелените ореви (по желба). Распоредете ги јаболките преку тестото; посипете ги со останатите ореви.
Вториот дел од тестото развлечете го и ставете го над јаболката, затворете ги рабовите и направете цепнатинки. Тестото избоцкајте го со вилушка за да излезе пареата и премачкајте го со јајце.
Печете ја питата 30 минути, додека горната кора не стане малку златна. Оставете да се излади, па исечете ги на коцки, посипете со шеќер во прав и послужете.
