
Брзо го преболи поранешниот: Аријана Гранде има нов дечко
Само неколку дена по објавата за разделбата на Аријана Гранде со сопругот Далтон Гомес, во странските медиуми се појави вест дека таа се забавува со актерот Итан Слејтер, пишува „Пејџ сикс“.
Препорачано
Таа и ѕвездата на Бродвеј се запознале додека заедно глумеле во филмот „Wicked“, а медиумите пренесуваат дека тие веќе неколку месеци се забавуваат. Дуото ги игра ликовите на Глинда добрата вештерка и Бок, во филмот, кој премиерно ќе биде прикажан во ноември 2024 година.

Во март беше објавена фотографија, на која се гледаат Аријана и Итан како седат еден до друг, додека актерската екипа на „Wicked“ го прославува „Оскарот“ на Мишел Јео во Лондон.
Инаку, Аријана и Далтон допрва треба да поднесат документи за развод, иако извори блиски до нив велат дека врската била завршена уште од јануари.

По нивната разделба, тие останале во пријателски односи, а познато е дека и тој се забавува со други девојки.
Што се однесува до Итан, тој е во брак со пејачката Лили Џеј од 2018 година, а минатата година добија син. Но, извори за „Пејџ сикс“ велат дека Аријана и Итан почнале да излегуваат, дури откако тој се разделил од Лили.
ВИДЕО | „Изгледаш болно“: Аријана Гранде им одговори на оние кои ѝ го критикуваат изгледот