Полициски службеници од СВР Скопје од Полициско одделение Шуто Оризари вчера вечер, на улица „Нов живот” го лишиле од слобода А.Г.(20) од Скопје поради сомнение дека е сторител на кривично дело „тешка кражба”, информира Министерството за внатрешни работи.

Поради откупување предмети од пријавената „тешка кражба”, МВР информира дека во Полициското одделение Шуто Оризари на разговор бил повикан Ф.О.(39) од Скопје, а украдените предмети биле пронајдени и вратени на оштетениот.

МВР соопшти дека по целосно документирање на случајот, против А.Г. ќе биде поднесена кривична пријава по член 236 од Кривичниот законик – „тешка кражба”, додека против Ф.О. ќе биде поднесена кривична пријава по член 261 од Кривичниот законик за „прикривање”.