Репрезентацијата на Шведска го освои бронзениот медал на Европското ракометно првенство откако во натпреварот за третото место го совлада домаќинот Германија со 34:31.

Воедно Швеѓаните со овој триумф си обезбедија и учество на следните Летни олимписки игри во Париз.

Најдобар во победничкиот тим беше Клар со осум голови, а на спротивната страна истиот учинок го имаше и Ушчинс.

Инаку за Шведска ова е прва нејзина бронза на европските првенства, а на ЕП 1996 најдобрите шведски ракометари токму во мечот за бронзата загубија тогаш од тогашна ФР Југославија.

Германците остануваат на една бронза од ЕП 1998, а на континенталниот шампионат во 2008 година беа поразени во „малото финале“ од Франција.