Бројот на милионери во светот се зголеми за 2,6 отсто во текот на 2024 година и достигна 23,4 милиони луѓе, додека нивното вкупно богатство се зголеми за 4,2 отсто на 90,475 трилиони долари, според најновиот извештај за богатството на консултантската компанија „Капџемини“ (Capgemini).

Просечната стапка на раст на богатството (CAGR) во периодот од 2017 до 2024 година изнесуваше 3,7 отсто, додека просечното годишно зголемување на бројот на милионери беше 3,8 отсто, пишува „ВнЕкспрес“.

Растот во голема мера беше поттикнат од добивките во американските портфолија на акции.

Соединетите Американски Држави забележаа зголемување од 562.000 милионери, што претставува зголемување од 7,6отсто, поттикнато од ентузијазмот за вештачка интелигенција и намалувањето на каматните стапки што поттикна значителен раст на американскиот берзански пазар.

Најзначајните добивки беа кај поединци со ултра висока нето вредност – оние со најмалку 30 милиони американски долари во средства што може да се инвестираат – чие богатство се зголеми за речиси 12 отсто во САД.

Индија и Јапонија се истакнаа во Азиско-пацифичкиот регион, при што обете земји регистрираа раст од 5,6%, додавајќи 20.000 и 210.000 милионери, соодветно.

Спротивно на тоа, растот во Кина беше негативен, при што населението со висока нето вредност се намали за 1отсто.