Навивање и исвиркување се слушнаа при настапот на израелската претставничка Еден Голан за време на синоќешното полуфинале на Евровизија.

Во видео-пораката објавена на социјалните мрежи пред настанот, израелскиот премиер Бенјамин Нетанјаху ѝ посака среќа на Голан и рече дека таа „веќе победила“ откако „успешно се соочила“ со она што тој го опиша како „страшен бран на антисемитизам“ во Шведска.

На произраелските демонстрации, можеше да се слушне како луѓето ja пеат „Hurricane“ во знак на поддршка за Голан, среде значително полициско присуство.

„Не сум толку заинтересиран за Евровизија“, изјави еден од демонстрантите, за шведскиот весник „Свенска дагбладет“.

„Но, бидејќи имаше толку голема бура на омраза против Израел, сакав да поддржам“.

Израелската радиодифузна корпорација, која го организира учеството на земјата на натпреварот, рече дека побарала од Европската радиодифузна унија да спречи повторување на инцидентот од средата.

Шведските власти соопштија дека ја зајакнале безбедноста и дека се подготвени за потенцијални немири.