Премиерката на Србија Ана Брнабиќ учествува на Советот за безбедност на ОН кој денеска расправа за шестмесечниот извештај на генералниот секретар на ОН Антонио Гутереш. Таа за агенцијата Танјуг изјави дека дојдено е крајно време да се формираат српски општини на Косово, а изрази сомнеж дека косовските власти не се подготвени да одржат локални избори на северот на Косово.

Од тоа што го гледаме, сметам дека Приштина ќе се обиде да го пролонгира што е можно повеќе. Зборуваат за некои административни процедури, кои немаат никаква врска, а ги користат за изборите на северот на Косово да не се одржат. Не верувам дека  ќе се согласат да се формираат заедниците на српските општини и тоа ќе биде борбата што ние ќе мораме да ја водиме политички. Крајното време за формирање на заедниците на српските општини помина пред 5-6 години. Значи не дојде крајно време, туку тоа помина пред 5 години. Сега мора да се формира заедницата на српските општини. Но, не на начин на кој тие го интерпретираат, туку на начинот кој е договорен во 2015 година со согласност со тие договори, рече Брнабиќ.