Пред зградата на српскиот јавен сервис РТС во Белград вечерва се одржа протест организиран од „Еко стража“ со барање jавниот сервис да ја информира јавноста за еколошките проблеми, јави дописникот на МИА од Белград. Екологистите побараа РТС да им дозволи да се обратат на јавноста во централниот дневник.

Премиерката на Србија Ана Брнабиќ после протестот даде своја забелешка за организаторите, дека користеле светла од мобилните телефони односно дека користеле литиум против кој протестираат.

-Вечерашниот протест на Еко стража завршува сосема примерно – организаторот ги повика да го осветлат мракот со литиумот на батериите од своите мобилни телефони. Прекрасно. Лицемерие? Ма не, напиша Брнабиќ на платформата Икс.

Таа истакна:

Едно прашање. Колку еколошки иницијативи имаше пред само 10 години? Кој тогаш се грижеше додека Александар Вучиќ и СНС градеа филтри за заштита на нашите термоелектрани, усвојувајќи закони за да имаме зелена енергија поради почист воздух. Чистеа диви депонии, купуваа електрични автобуси, градеа пречистителни станици за отпадни води?

Протест во Белград со барање РТС да известува за протестите против ископувањето литиум во Србија