Бритни Спирс го изгуби бебето само неколку недели откако објави дека очекува дете со својот вереник. Веста ја потврди и на Инстаграм.

„Со најголема тага објавуваме дека го изгубивме нашето волшебно бебе во рана бременост. Тоа е трагедија за секој родител. Можеби требаше да почекаме малку пред објавувањето на бременоста, но бевме премногу возбудени и ја споделивме таа вест. Нашата љубов е нашата сила. Ќе продолжиме да се обидуваме да го прошириме нашето прекрасно семејство. Благодарни сме на сета поддршка. Ве молиме за приватност во овие тешки моменти“, напиша пејачката.

 

View this post on Instagram

 

A post shared by Britney Spears (@britneyspears)

Обожавателите во коментарите и дадоа поддршка, а се огласи и нејзиниот вереник Сем Асгари кој порача дека „наскоро ќе се случи ново чудо“.

Инаку, Бритни ги има синовите Шон Престон (16) и Џејдан Џејмс (15) кои ги доби во бракот со Кевин Федерлајн.