Експерти од Велика Британија тврдат дека четврта доза од вакцината против коронавирусот не е потребна, зошто третата доза и натаму дава голема заштита од тешки облици на болеста кај возрасни по заразувањето со сојот омикрон.

-Податоците од британската Агенција за здравствена безбедност покажуваат дека заштитата и по три месеци по третата бустер доза е околу 90 отсто кај луѓето над 65 години, пренесува Би Би Си.

Заштитата од поблагата форма на заразување е со пократко траење и изнесвуа околу 30 отсто по три месеци.

Меѓутоа без бустер, со само две дози заштитата од тешката форма после 3 месеци паѓа на околу 70 отсто, а по 6 месеци на 50 отсто.