Британски тинејџер кој исчезна во Тенерифе си ​​ја исекол ногата на кактус и не знаел каде се наоѓа, изјави неговиот пријател за Скај њуз. Луси Ло, која отиде со него на музичкиот фестивал НРЏ што се одржува на островот, изјави дека Џеј Слејтер не е глупаво момче и сигурно ќе запрел автомобил или случајни минувачи.

Шпанската полиција трага по тинејџер кој исчезна за време на одмор во Тенерифе. Џеј Слејтер (19) од Освалдтвистл во понеделникот наутро му рекол на пријател дека го пропуштил автобусот и планирал да се врати пешки до неговото сместување, за што ќе му требаат околу 11 часа. Тоа беше последниот пат кога некој слушнал за него.

A desperate search is underway for 19-year-old Jay Slater missing in Tenerife. Search dogs, helicopters and mountain rescue teams are trying to find the Brit who last heard from on Monday morning when he phoned a friend and said he was lost and needed water. pic.twitter.com/PsHPZALKHR

— Good Morning Britain (@GMB) June 19, 2024

Слејтер му се јавил на пријател околу 8:15 часот во понеделникот откако го пропуштил автобусот. Рекол дека се изгубил, дека си ја исекол ногата на кактус, дека немал доволно вода и дека батеријата на телефонот му била на само 1%. Иако неговиот мобилен телефон бил речиси празен, тој успеал да ѝ испрати фотографија од неговата локација. Кога таа му рекла да се врати од каде што тргнал, тој рекол дека не знае каде е и од кој правец доаѓа.

„Беше без храна и вода. Во маица и шорцеви. Таму е многу топло преку ден, а многу студено навечер. Така ќе му биде тешко преку ден бидејќи нема вода, а навечер ќе му биде ладно затоа што нема соодветна облека“, рече Ло.

Набргу откако Слејтер исчезнал, една Американка се понудила да ја однесе до планините за да го бара. Имено, Слејтер отишол кај луѓето кои ги сретнал за време на ноќно излегување, а кои живееле во планинската област.

„Возевме цел ден. Немаше трага од него“, рече Ло.

Слејтер објави фотографија на социјалните мрежи од некои планини покрај куќата каде што престојувал. Ло се возела наоколу барајќи ја ламбата и цвеќињата што се гледале на таа слика.

„Успеавме да ја најдеме куќата и ги прашав луѓето што се случило. Тие ми рекоа дека Слејтер излегол да пуши цигара, а потоа се вратил и рекол дека сака да си оди дома. Тој зборувал со соседите кои му кажувале дека на секои 10 минути имаше автобус до Лос Кристијано“, рекол пријател.

„Автобуската постојка беше веднаш до куќата. Очигледно не се изгуби на пат до автобусот бидејќи автобуската постојка се гледаше од влезната врата. На автобусот му треба еден час за да се симне од планините. Сè изгледа како исто – тука е само патот и ридовите“, додаде таа.

„Не разбирам зошто би ја напуштил куќата и потоа решил да се врати назад. Можеби почнал да оди со празен телефон и не сфатил колку долго трае патот“, вели Ло.

„Најчудно за мене во ова е фактот што никој не го видел. И тој не е глупав човек. Прашав многу луѓе дали го виделе. Да видел некого или автомобил, ќе ги запрел. Никогаш не би дозволил неговото семејство да се грижи вака“, рече таа.

„Да видеше некого, ќе го побараше телефонот за да ѝ се јави на мајка си. Сигурна сум во тоа. Никогаш немаше да ѝ дозволи на мајка му вака да се грижи. Ова е страшно, никогаш не сум била толку загрижена во мојот живот“, додаде таа.