Британската војска ја одржа првата генерална проба за погребната поворка на кралицата Елизабета Втора
Стотици војници од британската армија, воздухопловните сили и морнарицата учествуваа во генералната проба на погребната поворка, која ќе заврши со положување на ковчегот на кралицата Елизабета Втора.
Препорачано
Рано утрово војската се построи во алејата која води до замокот Виндзор и тргна, предводена од армиски оркестар.
Во понеделник тие ќе учествуваат во погребната поворка, опкружени со илјадници граѓани кои се очекува да го посетат Виндзор за да се збогуваат со Елизабета Втора.
Британските власти повторно дозволија пристап на сите оние кои сакаат да се збогуваат со Кралицата, што времено беше стопирано поради должината на поворката за влез во Вестминстерската палата каде е изложен ковчегот со нејзините посмртни останки.
„Пристапот до поворката е обновен. Внимавајте, се чека повеќе од 24 часа, а температурите ќе бидат ниски во текот на ноќта”, предупредија синоќа од Владата, притоа посочувајќи на можноста од повторно затворање на пристапот кон колоната.
Погребот на кралицата Елизабета Втора ќе биде в понеделник. Се очекува за церемонијата да допатуваат над 500 претставници од двеста држави, соопштибританскиот Форин Офис. Меѓу нив има речиси сто шефови на држави и шефови на влади, како и над дваесет членови на кралски семејства.
