Наместо во Цуг како што првично беше најавено, најдобрата македонска репрезентација ќе го игра вториот натпревар од квалификациите за ЕП против Швајцарија во Шафхаузен.

После стартниот триумф во Скопје над селекцијата на Финска, избраниците на селекторот Данило Брестовац денеска од 18.30 часот ќе ја бркаат и втората победа која би била важна на патот кон ново учество на континенталните собири.

Нашата селекција за вечерашниот дуел нема да може да смета на Дејан Манасков, останавме на едно лево крило, Бојан Маџовски, а повикан е Милорад Кукоски за уште посилна одбрана.

Составот на Македонија за денешниот меч против Швајцарија: К. Лазаров, В. Маркоски, Н. Митревски, М. Кукоски, С. Стоилов, Г. Георгиевски, Н. Маркоски, Д. Георгиевски, Ж. Пешевски, Б. Маџовски, Ф. Талески, Ф. Кузмановски, М. Томовски, М. Серафимов, М. Мишевски, Н. Костески.

Во групата „7“ од 16.00 часот Финска ќе ја пречека репрезентацијата на Данска која во првото коло славеше со 31:26 против Швајцарците.