21-годишниот играч за врска во нападот, кој може да игра и како крило, беше промовиран како ново засилување на „лавовите“ од Ѓорче Петров.

Бразилскиот интернационалец Андерсон Барбоса ќе ги брани боите на Македонија ЃП, а претходно беше дел од бугарскиот клуб Ботев Пловдив.

Денеска клубот претстави уште едно име, односно во составот на тренерот Жикица Тасевски ќе биде и младиот 16-годишен голман Стефан Тасев.

Досега беше дел од младинскиот погон на Вардар, а воедно е и младински репрезентативец на Македонија.

Потсетување дека новата натпреварувачка сезона во Првата лига ќе започне на 9 август, а во првото коло Македонија ЃП ќе ги одмери силите против Работички.