Македонскиот таеквондо клуб „Бутел“ беше најдобар на меѓународниот турнир „Империум Опен“ во Белград, Србија.

Освен пехар за најдобар клуб на турнирот, Бутел се закити и со пехар за најдобар јуниорски тим на турнирот и пехар за најдобар натпреварувач кадет на турнирот, Ведрана Тунески.

Ведрана Тунески уште еднаш покажа дека станува збор за голем талент во македонското таеквондо. Минатиот месец се закити со злато на „Астерикс купот“ во Ниш.

Под водство на тренерот Иван Крстевски, беа освоени вкупно 17 медали од кои четири златни, пет сребрени и осум бронзени.

Кај јуниорите злато освоија Дарко Георгиевски, Филип Блажевски и Дамјан Раевски, а до сребро дојде Андреј Василевски.