Британскиот новинар Тони Кауел, кој е полубрат на „ловецот на таленти“ Сајмон Кауел, откри дека пејачот Лијам Пејн никогаш не престанал да ја сака неговата поранешна партнерка Шерил.

„Лијам имаше само 16 години кога го запознав зад сцената на ‘Икс фактор’ во 2010година. Никогаш нема да заборавам колку беше отворен и искрен. Секогаш имаше огромна насмевка на лицето. Уште од тогаш имаше тивка зрелост. Нашето семејство го познаваше Лијам толку многу години. Секогаш ќе се сеќавам како се трудеше секогаш да разговара со нашата, сега веќе покојна, мајка кога таа го посетуваше брат ми“, изјави тој за списанието „Клоусер магазин“.

Новинарот додаде дека, и покрај проблемите со менталното здравје, Пејн останал љубезен млад човек и добар пријател.

„Да, славата си го наплати својот данок преку неговото ментално здравје, но тој остана љубезен и грижлив млад човек, неверојатен пријател за многумина и прекрасен татко на неговиот син Беар. Лијам беше решен да го добие одобрувањето на Сајмон на ‘Икс фактор’. Очајно сакаше да го импрерионира. Сите сме уништени поради неговата смрт. Во моментов, јас сочувствувам и со Сајмон. Тие се сретнаа пред неколку месеци, кога Лијам му дојде на гости и со себе го зеде синот Беар, кој си играше со синот на Сајмон – Ерик“, додаде тој.

Кауел рече дека сочувствува со Шерил и додаде дека ова ќе биде исклучително тежок период за неа.

„Јас сочувствувам и со Шерил затоа што знам дека Лијам никогаш не престана да ги сака неа и Беар. Ќе ѝ биде многу тешко. Не можам да ја замислам нејзината болка. Срдечно е да се види овој бран на тага низ светот за Лијам. Сакам да го паметам како прекрасен млад човек, обичен човек кој се бореше со своите демони“, заклучи новинарот.

Да потсетиме, Лијам Пејн и десет години постарата пејачка Шерил се запознаа во 2008 година, кога 14-годишниот Пејн за првпат се пријави на музичкото натпреварување „Икс фактор“. Двојката ја започна љубовната врска речиси десет години подоцна, во 2016 година, а се разделија во 2018 година. Тие го добија синот Беар во март 2017 година и сега момчето има седум години.

Лијам Пејн почина на 16 октомври годинава, по пад од третиот кат на хотелот „КасаСур“ во Буенос Аирес, Аргентина. Тој имаше само 31 година.

Скршената Шерил по смртта на Лијам Пејн: „Нашиот син веќе никогаш нема да го види својот татко“