Братот на Никола Јокиќ уапсен поради инцидент на натпревар во НБА
Страхиња Јокиќ (41), братот на српскиот кошаркар Никола Јокиќ, е уапсен и обвинет за напад на натпревар на Денвер нагетс, кога удрил човек во лице. Братот на Никола Јокиќ е уапсен под сомнение за напад од трет степен во врска со тепачката во „Бал арената“ за време на натпреварот против Лос Анџелес лејкерс во април.
Препорачано
Страхиња Јокиќ беше обвинет за напад од трет степен и се појави во Окружниот суд во Денвер во вторникот, според судските записи.
Полицијата во Денвер првпат дозна за тепачката „преку вирално видео на ТикТок на кое се прикажуваат членови на семејството на играчот на Денвер нагетс, Никола Јокиќ како се расправаат со неидентификуван навивач на трибините“, се вели во изјавата за апсењето.
На видеото се гледа „вербална размена“ меѓу навивачите и Страхиња и Немања Јокиќ пред еден од браќата да го удри навивачот во лицето, пишува полицијата. Еден детектив од Денвер го интервјуираше навивачот три дена по натпреварот на 22 април и забележа дека има исеченици и модринки околу и под левото око.
ALSO https://t.co/6pW6VWaJqn Nikola Jokic’s older brother, Strahinja, charged with assault after PUNCHING man at Denver Nuggets game in April https://t.co/oBubuKmwCL ~ Story Below #USA #News
— Follow @JodyField (@JodyField) July 25, 2024
Мажот во полиција изјавил дека еден од браќата Јокиќ, „голем тип со мохавк“, го удрил по лицето и дека нападот бил неиспровоциран. Полицијата подоцна го идентификувала Страхиња Јокиќ преку тетоважата на неговиот врат.
На мажот, според изјавата, подоцна му бил дијагностициран потрес на мозокот. Најпрвин не сакал да го тужи Страхиња Јокиќ бидејќи се плашел од одмазда и се грижел за безбедноста на семејството, но на почетокот на мај се предомислил.
Кога полицијата стапила во контакт со него, Страхиња Јокиќ им рекол дека верува дека не направил ништо лошо бидејќи бранел постар човек кој долго време го познава.
