Бранителката на титулата на Вимблдон, Барбора Крејчикова, не успеа да го продолжи походот кон одбрана на трофејот на Вимблдон отккао во третото коло беше елиминирана од Американката Ема Наваро со 2-1 во сетови.

Чешката тенисерка одлично го започна мечот, го освои првиот сет со убедливи 6-2 и најави уште една рутинска победа, но потоа нејзината игра значително опадна. Наваро ја презеде контролата, израмнувајќи со 6-3 во вториот сет.

Во одлучувачкиот трет сет се водеше борба за секој поен, но Американката беше поконцентрирана и посигурна, успевајќи да го затвори мечот и да слави голема победа. Мечот траеше два часа и 27 минути.

Во осминафиналето Наваро ќе се соочи соМира Андреева, која претходно ја совлада Хејли Баптист со сигурни 2-0 во сетови.