Го има секаде каде што има пожари, меѓутоа се појавува и онаму каде што има снег. Лани бркаше мечки во тетовско, спасуваше планинари коишто паднаа на Водно. Во исто време е политичар, но и прв човек на Центарот за управување со кризи. Стојанче Ангелов е „маж на годината“ за 2024. Со него во утринската емисија „Слободен печат“ зборуваме за наградата за која вели дека му е една од најтешките до сега, бидејќи во неговата кариера најчесто зборувал за политика, за војната во 2001 година, за меѓуетничките односи, за помирување, но никако за ваква тема како што е изборот на Маж на годината.

Со Милован Јовановиќ – новинар и политички коментатор од Србија зборуваме за случувањата на Блискиот Исток и Украина низ призмата на новата администрација во САД.

И за крај Зоран Ипраковски- скопјанец кој повеќе од триесет години живее во Канада. За „Слободен печат“ ја раскажува неговата лична приказна, како завршил на печалба и каков е животот надвор од родното огниште.

Гледајте „Слободен печат“ секој работен ден во 9 часот наутро.