Американците се опседнати со младешки изглед, трошат милијарди долари годишно на ботокс, хијалуронска киселина и други дермални филери за да изгледаат подобро. Како што стандардите за убавина постојано се менуваат со новите трендови кои доаѓаат и си одат, тоа носи милијарди долари приход за естетската хирургија и индустријата за убавина, се вели во извештајот на „RationalFX“, глобален давател на услуги за размена и плаќање, чиј тим ги анализирал најновите статистички податоци од Американското здружение на пластични хирурзи АСПС (ASPS) и ги пресметал годишните трошоци за различни козметички и невообичаени операции.

– Откривме дека Американците годишно трошат повеќе од 4,1 милијарди долари (или околу 3,9 милијарди евра) на инјекции на ботулински токсин, или ботокс, кој се користи за намалување на длабочината на брчките или за корекција на положбата на веѓите и слично, при што повеќе од 90 отсто од оваа супстанца се инјектира кај жени кои сакаат да ги намалат брчките.

Во 2023 година, имаше повеќе од 25 милиони неинвазивни козметички процедури во САД, како и 1,54 милиони естетски операции, се забележува во извештајот. Некои други интересни податоци:

– Според најновите податоци на АСПС, најпопуларен третман за убавина во САД е вбризгувањето на ботулински токсин, познат под брендот Ботокс. Во 2023 година беа извршени повеќе од 9,4 милиони инјекции на ботокс, што е за 8,52 отсто повеќе од претходната година.

– Врз основа на просечна цена од 435 долари по третман (или околу 403 евра) во 2023 година, Американците ќе трошат 4,1 милијарди долари или 3,7 милијарди евра за инјекции на ботокс годишно.

– Единствениот поскап третман во САД е обновување на кожата и голем број процедури кои спаѓаат во оваа група. Вкупно 6,4 милијарди долари (околу 5,9 милијарди евра) беа потрошени на приближно 3,5 милиони третмани во 2023 година.

– Ботоксот е на прво место по популарност со 9,4 милиони инјекции во 2023 година, следен од филери со хијалуронска киселина со 5,2 милиони, обновување на кожата со 3,5 милиони и ласерски третман на кожа со 3,1 милиони.

– Ботоксот е најпопуларна процедура за убавина кај луѓето на возраст од 40 до 54 години, но кај помладите генерации (возраст од 19 и помали и од 20 до 29 години) најпопуларен е ласерскиот третман на кожата. Од друга страна, оние на возраст од 70 и повеќе години претпочитаат обновување на кожата.

– Најпопуларната естетска хирургија во САД е липосукцијата, која била изведена 347.000 пати во 2023 година со вкупна цена од 1,6 милијарди долари (околу 1,3 милијарди евра).

– Ботоксот е најбараната процедура за убавина меѓу американските мажи, со 569.438 третмани извршени во 2023 година. Други процедури популарни меѓу мажите вклучуваат ласерски третмани за кожа (487.349), обновување на кожата (242.600) и полнила со хијалуронска киселина (145.933). Севкупно, речиси 7 отсто од сите минимално инвазивни процедури и нешто повеќе од 6 отсто од естетските операции биле извршени на мажи.