Лидерот на ГЕРБ, Бојко Борисов бара од Христијан Мицкоски да се почитуваат меѓународните договори кои се дел од преговарачката рамка на ЕУ.

Борисов изјави дека и покрај добрите односи меѓу него и партнерите во ЕУ, договорите мора да се почитуваат.

„Какви било толкувања не се добри за колегите од Северна Македонија“, смета Борисов.

Борисов за бугарските медиуми вели дека ќе иницира средба со Мицкоски доколку формира влада и стане старо-нов бугарски премиер.

„Без нашата и поддршката на Грција, РСМ немаат шанси за (влез во) ЕУ. Сега треба да бидат одговорни. Како што ја добија нашата поддршка, можат и да не сметаат на неа“, категоричен бил лидерот на ГЕРБ.