Се најавува дека досегашниот тренер на Војводина, Борис Ројевиќ од следната сезона ќе биде на клупата на ракометниот клуб Охрид.

Поранешниот српски селектор наскоро треба и официјално да потпише договор со Охрид и на лето на клупата да го замени Стевче Алушовски.

Договорена е соработката, а должината на договорот се очекува да биде финализирана во наредните денови.

Охрид по 17 кола во македонскиот шампионат моментно е на четвртата позиција зад Алкалоид, Вардар и Еурофарм Пелистер, кои се очекува да водат битка за титулата и веројатно учество во Лигата на шампионите.

Се планираат и звучни засилувања за Охрид да одигра важна улога и чекор по чекор се бори за врвот на Македонија. Оваа сезона во Охрид играат двајца српски ракометари, пивотите Владимир Бојаниќ и Живан Пешиќ, кои Ројевиќ ги тренираше две сезони во Војводина.