Италијанецот, Маурицио Сари би можел да стане нов селектор на Србија, ако Драган Стојковиќ – Пкси ја напушти функцијата.

Според информациите на српска „Република“, Стојковиќ би можел да ја напушти Србија и да ја прифати понудата за преселба во Азија.

„Во фудбалската јавност кружат шпекулации дека Пикси би можел да ја напушти Србија по успехот во Лигата на Нации, а потоа како „бомба“ одекна веста дека Азијците се подготвени да го исплатат неговиот раскин на договорот со ФСС кој беше потпишан пред Европското првенство и важи до 2026 година. Исто така Стојковиќ би добил финансиски услови кои се тешко да се одбија“, стои во текстот на „Република“.

Самиот Пикси неодамна изјави дека има понуди, но потенцираше дека сега не е моментот да зборува на таа тема. Во Азија Пикси успешно ја водеше Нагоја од 2008 до 2014 година и со овој тим стана шампион на Јапонија и го освои Суперкупот.