Бојан Јовановски или попознат како Боки 13, денеска со полициска придружба од затворот “Скопје” е донесен за прв пат да даде исказ по за случајот “Рекет”, за кој е веќе втор месец е во притвор. Јовановски во овој случај е првообвинет.

Исказот ќе го дава пред обвинител од јавното обвинителство за гонење на организиран криминал и корупција.

Останатите осомничени, второобвинетиот Зоран Милески викан Зоки Кичеец и екс шефицата на Специјалното јавно обвинителство Катица Јанева како третоосомничена исказ најверојатно ќе дадат во следните неколку дена, по што шефицата на обвинителниот Оддел за организкран криминал и корупција Вилма Рускоска ќе Рускоска ќе одлучи дали ќе поднесе обвинение за предметот.

Од тројцата осомничени, само Милески е во домашен притвор. Барањата на Јовановски и Јанева затворскиот притвор да им биде заменет со поблага мерка од скопска Апелација беа одбиени како неосновани.