Македонскиот репрезентативец Бојан Миовски во саботата продолжи да ги тресе мрежите во Шкотска во дресот на Абердин.

Составот предводен од менаџерот Џим Гудвин триумфираше со конечен резултат 1:2 кај екипата на Мадервил. Првиот гол за гостите го реализираше нашиот напаѓач Миовски уште во четвртата минута од средбата.

За Миовски ова е осми погодок сезонава за Абердин и е моментно втор стрелец во шампионатот. Поефикасен од Македонецот е само Хрватот Антонио Чолак кој за Ренџерс до сега постигна 10 голови.

Миовски претходно стрелаше по двапати против Килмарнок, Ливингстон и Ст. Мирен, а уште еден гол имаше против Мадервил на домашен терен.

Шкотска Премиер лига (сезона 2022/2023)

Листа на стрелци –

1. А. Чолак (Ренџерс) 10 голови
2. Б. Миовски (Абердин) 8
3. Л. Шенкленд (Хартс) 7
4. К. Фурухаши (Селтик) 7
5. К. ван Веен (Мадервил) 7
6. Л. Абада (Селтик) 6
—