Иако го загубија првиот натпревар со 3:0, фудбалерите на Бохум направија целосен пресврт во двомечот против Диселдорф во баражот за опстанок во Бундес лигата.

Екипата на Бохум која во регуларниот дел од шампионатот заврши на 16 место за останување во елитата мораше да играше два натпревари против третопласираниот од втората Бундес лига, Диселдорф.

На возвратната пресметка водеа гостите со голот на Хофман од 18 минута, истиот играч ја зголеми предноста во 66 минута, а асистентот на тие два погодоци, Стогер беше прецизен од пенал во 70 минута за 3:0.

Немаше голови во продолженијата, па победникот го одлучуваа ударите од белата точка во кои гостинските играчи беа подобри со 6:5.

Иако вкупно шест пати, вклучувајќи го и денешниот дуел, македонскиот репрезентативец Агон Елези беше на клупата за резервни играчи на Бохум, сезонава не доби никаква минутажа во најсилното германско првенство.