Поранешниот пратеник Павле Богоевски вечерва во дебатниот магазин „Click Plus“ на ТВ21 рече дека поранешниот премиер Никола Груевски не поминал лошо, односно си отишол во Будимпешта, додека неговите соработници сами чмаат по судови.

„Мислам дека за него воопшто не е дојдено лошо време, тој не виде ниту еден ден негативна последица од своето однесување. Кога дојде време да ја плати цената за злоупотребата на власта, кој со години ја правеше, тој храбро избега во Будимпешта оставајќи ги своите соработници сами да чмаат пред судовите и да ја носат одговорноста за, меѓу другото, и неговите постапки“, посочи Богоевски.