Еден европеец за своите туристички патувања во странство троши во просек по 93 евра за едно лице по ноќевање. Податоците се објавени од Евростат и се однесуваат на 2021 година, пренесува Ора Њуз. Албанија иако годинава имаше наплив на странски туристи, тие оставиле многу помалку пари отколку во другите туристички дестинации. Всушност, Албанија изгледа не ја посетуваат „богатите“ туристи, туку оние со најниски трошоци.

Според Евростат Австријците се најголеми трошаџии. Тие потрошиле околу 136 евра по ноќевање на патувања во странство во 2021 година. По нив доаѓаат Малтежаните со 129 евра, Швеѓаните со 128 евра, Французите со 121 евро, Данците со 113 евра, Норвежаните со 108 евра. Ако се спореди не е тешко да се утврди дека во Албанија доаѓаат луѓе со поплиток џеб. Од туристите кои годинава ја преферирале Албанија, Полјаците имаат просечен трошок за патувања во странство од 52 евра, што е меѓу најниските во Европа. Италијанците кои албанските туристички оператори ги означија како најскржавите туристи имаат просечен трошок за ноќевање од 73 евра или 21% помалку од европскиот просек. Тие беа втори по бројот на странски државјани кои влегле во земјава, по оние од Косово, со околу 9% од вкупниот број. Македонците, кои се трети по Косово и Италија, по пристигнување во Албанија, имаа трошок за ноќевање од 43 евра. Грците се и штедливи, со 59 евра по човек. За Албанците податоците се за 2020 година и покажуваат просечен трошок помал од 30 евра за патувања во странство.